انت زوجي
اخر عشر دقايق على الڼار و تبقى استوت... فجأة رن جرس الشقة... فكرت انه بتاع النور... فعلا عدى كتير و هو مجاش امبارح... لبست الطرحة و فتحت الباب... لقيت آسر !!
كان بيبصلي بإشتياق و ساكت... كأنه جاي يشوفني و بس... كنت هقفل الباب بس هو منعني و دخل و قفله وراه
انت بتعمل ايه هنا... انا قاعدة لوحدي... لو سمحت امشي
اه نسيت... يلا امشي
مسمعش كلامي و بقا يتمشى في الشقة و يقول
شقتك حلوة اوي... بسيطة كده و روحها حلوة... لا خلاص انا هقعد معاكي وش
تقعد فين... مفيش غير اوضتين هنا... اوضة الانتريه و اوضة نومي... و مفيش كنبة... يعني انت مش مرحب بيك هنا... يلا يا آسر ارجع بيتك
ده على اساس ان مفيش تلفزيون عندك
اسكتيييي... امبارح الدنيا مطرت ف تقريبا كده دش التليفزيون اتعطل...
روح عندك قاسم
ما برضو قاسم تلفزيونه اتعطل... ما السماء مطرت على بيوت الكل مش انا بس
اممم... آسر... لو سمحت امشي
يا آسر بس...........
اتجاهل كلامي و دخل المطبخ
و انا اقول انا شامم ريحة مكرونة... اتاري الريحة القمر دي عندك
ايوة يعني ايه المطلوب
عايز طبق
طب خد طبق ليك
غرف طبق و اكله وهو واقف و قال
طب يلا اكلت اهو... يلا امشي
دخل اوضة النوم و رمى نفسه على السرير
اخيرا هنام... تعرفي بقالي يومين منمتش كويس
طب ارجع بيتك و نام
لا بس السرير ده مريح اوي... تعالي كده جربي
اوووف... قوم يا آسر انا مش بهزر
يعني ايه
ترجعي معايا البيت... او انا اقعد
معاكي هنا
ولا ده ولا ده... زي ما نفذت كلامك و مشيت... انت كمان امشي و سيبني في حالي
لا مش هسيبك في حالك... حالك من حالي يعني حالنا من حال بعض... يعني انسي اني امشي... انا مفعل وضع مفيش كرامة لغاية ما ترجعي معايا
و ليه تدوس على كرامتك يعني... امشي زي البني آدمين من غير تهزيق
اوووووف بجد !!
سيبته و دخلت البلكونة قعدت على الكرسي و ربعت ايديا و مضايقة... ليه بيظهر قدامي تاني... انا ما صدقت بدأت اتعود على حياتي من غيره... مجرد ما شوفته قدامي رجعت لنقطة الصفر... جه و قال
طب خلاص تعالي على سريرك... متقعديش هنا الجو برد و هتبردي
مردتش عليه و دخلت... نمت و اتغطيت... مليش نفس اتفرج و لا أكل حتى... كنت بحاول انام بس مش عارفة... فتحت عيوني لقيته قاعد على الكرسي و بيغمى عليه تقريبا من النعاس... اتنهدت و قولت
مش هتعرف تنام على كده... روح نام على الانتريه
لا انا كويس... نامي انتي
ملقتش فايدة من عناده... حطيت مخدة في نص السرير و قولت
طب تعالى نام على السرير...
بص على المخدة اللي في النص و قال بسخرية
هنرجع للحواجز تاني
انا بحاول اساعدك على فكرة
لو المساعدة دي هتفصلني عنك يبقى انا مش عايزها... انا مش هنام جمبك و في حاجة تمنعي
براحتك...
قعد شوية و بعد كده خرج على الصالة... قلع الكوتشي و نام على الانتريه... كان بالي مشغول بيه اوي... الصالة تلج و مش بتحمل اقعد فيها حتى... و كمان مش معاه بطانية... قومت طلعت بطانية و طلعتله... غرق في النوم بسرعة كأنه مكنش نايم... قربت منه و غطيته كويس... لسه همشي مسك ايدي و قال
اشكرك يا رنون
فرحت من جوايا كده و هو قال
اوعدك كل ده هيتصلح... و مش هنطلق... ولا هسيبك لوحدك... انا بحبك و مازلت بحبك
تصبح على خير
سيبته و دخلت نمت و هو رجع نام
تاني يوم ..........
صحيت لقيته لسه نايم... سيبته و روحت افطر... جرس الباب رن... استغربت مين هيجي في الوقت ده... بصيت من العين السحرية... لقيته ياسين !!
حاولت امسك نفسي و بصيت على آسر... قولت لا... مش هكرر نفس الغلط و اللي يحصل يحصل
بكل هدوء صحيت آسر... كان مفتح عينيه بالعافية
فيه ايه
جرس الباب رن
ايوة يعني هعمل ايه... مين على الباب
ياسين
فتح عيونه اوي و قال بعصبية
يا ابن ال ... انا هوريك !!
منعته و قولت
مش انت عايز تعرف كل اللي ما بينا انا و ياسين
اللي هو ايه بالظبط
انا هفتح و أنت خليك في الأوضة و اسمع كويس اللي هيتقال ده !!
مش انت عايز تعرف كل اللي ما بينا انا و ياسين
اللي هو ايه بالظبط
انا هفتح و أنت خليك في الأوضة و اسمع كويس اللي هيتقال ده !!
لا انا مستحيل اسيبك تقابليه تاني
انت هتكون جوه و لو حصلت حاجة غلط هنادي عليك... خليك واثق فيا
فضل ساكت شوية و يفكر و بعد كده قام و قال
ماشي انا هروح جوه...
دخل الأوضة و قفل الباب... روحت فتحت باب الشقة و ياسين قال
كنتي نايمة ولا ايه
اه كنت نايمة
معلش صحيتك... ممكن ادخل
اتفضل
دخل و قفلت باب الشقة
شايفة جوزك المتخلف عمل في ايدي ايه
انت غلطت لما جيت ساعتها على بيته و معملتش حساب انه موجود
ولا هعمله اي حساب من الأساس
طب انت جاي ليه دلوقتي
جاي اونسك... عارف انك قاعدة لوحدك
والله ياسين طلعني من دماغك و ارتاح حتى انا كمان ارتاح
لا... مستحيل اعمل كده... انا بحبك و انتي عارفة كده كويس... و اهو خلاص انتي مشيتي من بيته... كمان شوية و هيطلقك... لان آسر عمره ما حبك اصلا... تلاقيه بيتحايل على ابوه زي العيال الصغننة عشان يوافق يطلقك
طب لو آسر طلقني فعلا... انت هتستفيد ايه
هتجوزك... هعيشك ملكة... هتشوفي كل مشاعري ناحيتك اللي انتي مش شيفاها... و هخليكي تحبيني... و نقرب من بعض و نكون اسرة
طب انا لو موافقتش اتجوزك... ايه اللي هيحصل يعني
ولا حاجة... اخدك ڠصب عنك على شقتي و نكتب الكتاب
طموحك وصل للسقف ما شاء الله... بس تعرف يا ياسين... مع اني يعتبر متربية معاك... بس انا اخترت آسر... تعرف ليه
بصلي پغضب و قال
ليه
لأن آسر متربي و عارف حدوده مع كل الناس... و انت بتقول عليه بيتحايل على ابوه زي العيال الصغننة عشان يوافق... ده مش ضعف... ده اسمه تربية نضيفة هو طلع عليها... و بيحب ياخد رأي ابوه في اي حاجة... آسر عمره ما ضحك على وحدة... اما انت كل افعالك عصيان لوالدك... انا عمري ما شوفتك نفذتله كلمة... ولا بتحترمه حتى قدامي اساسا... و ما شاء الله عليك يعني عمرك ما سبت بنت في حالها الا وضايقتها... و دلوقتي بتضايقني عشان انا رفضاك و انت مش راضي تتقبل الرفض ده... ف بالعقل كده... ازاي انت هتبقى ابو عيالي و انت اصلا مش محترم والدك... عايز عيالي يطلعوا زيك ولا ايه
اتنرفز اوي و قال
انا بحبك مش بضايقك
والله بجد ياسين انت بتضايقني من ايام ثانوي و مازلت بتضايقني لحد الآن... بتتحكم فيا بطريقة مريضة... متمشيش مع دي و البسي ده و متتأخريش في الدرس و متكلميش حد... بسببك انا حتى معرفتش اعمل صاحبة ليا لحد الآن... تدخلك في حياتي خلاني من غير ما افكر اقبل فورا اتجوز آسر... و ده اكتر قرار صح اخدته و مش ندمانة عليه... آسر مش بيتدخل فيا و لا طول الوقت شاكك فيا زيك... اصلا آسر مش جوزي بس ده صديق مقرب ليا اوي... اي نعم حصلت مشاكل فرقتنا... بس عمري ما هنكر اد ايه ان آسر هو نموذج مثالي للزوج الصح...
ضحك و قال
بعد كل اللي عمله فيكي بتقولي عليه كده
اه طبعا... مش عشان كام مشكلة يبقى انكر و امسح فضل وجوده عليا في حياتي
حتى بعد ما عرفتي ان عنده عشيقة
اتفاجئت و قولت
انت عرفت ازاي... انا فاكرة كويس إني مجبتش سيرة لحد على الموضوع ده...
ما انا مش اي حد... بعدين اللي اتصلت عليكي و قالت كده... ده كله تخطيط
مني عشان اخليكي تسبيه !!
اټصدمت من كلامه... بقا ياسين هو سبب كل اللي حصل ده
و الحمد لله... خطتي نجحت و افترقتوا دلوقتي
قرب مني و قال وهو باصص ل عيوني
و لا عشرة من آسر ده هيمنعوني اني اتجوزك... بقيتي ليا و بس !!
تبقى مچنون لو فكرت اني هقبل بيك
رأيك مش مهم... طالما انا عايزك هتبقى ليا برضاكي او ڠصب عنك !!
فضل يقرب و انا ارجع لوراء... خۏفت بس كنت مطمنة ان آسر جوه... فجأة ايد اتحطت على كتف ياسين... لف و شاف آسر !!
لما مسكت ايدها ضربتهالك بالړصاص... دلوقتي تحب اخزقلك عيونك اللي بتبصلها دي ولا اكسر رجلك دي لانك بتقرب منها بجد حيرتني !!
ياسين رفع ايده عشان يضربه بس آسر سبقه و ضربه برجله تحت الحزام... وقع ياسين وهو پيتألم
ما انا قولت برضو انت مش هتفهم غير بالطريقة الشمال دي !!
قعد آسر على ركبته و قرب من وشه و قال
مين اللي هتبقى ليك بالظبط عشان انا مسمعتش كويس... عايز اسمعها منك انت
تبقى بتحلم لو طولت ضفر من رنا و انا موجود... تبقى عبيط بجد لو فكرت حتى مجرد تفكير ان حتى لو افترقنا هسيبهالك... فوق لنفسك و اعرف ان رنا عمرها ما هتبص لواحد زيك !!
اعمل اللي تعمله... مش هخاف من حمار زيك
و اياك تيجي اي مكان تبقى رنا موجودة فيه ولا تحط عينك في عينها حتى... هتحاول بس هتلاقيني قدامك... و خلي عندك كرامة بقا... دي المرة الكام اللي ضربتك فيها... مش فاكر والله... اصلهم كتير اوي
مسكه آسر من قميصه و قومه و فتح الباب
الشقة دي لو عديتها تاني... هقطعلك رجليك الاتنين و ارميك في السچن... يلا لم كرامتك شوية و اطلع بره
زقه آسر بره و قفل الباب... بصلي بحزن
لو سمحت يا آسر... متعديش المسافة اللي بيننا
وقف و قال
انا آسف...
دخلت الأوضة قعدت على السرير... جه قعد على طرف السرير و قال
انا مش عايز اسيبك... و مش هسيبك... بس ياريت تدي جوازنا فرصة تانية... احنا الاتنين اتخدعنا... و احنا الاتنين بعدنا عن بعض كتير... يعني... اتجرحنا و جرحنا بعض بما فيه الكفاية... على الأقل ارجعي معايا البيت
لا... انا عايزة اقعد هنا... مش طايقة البيت اصلا... كله مشاكل و قرف
طب تعالي عند بيت ابويا
لا يا آسر... انا عايزة اقعد هنا...
طب هتقعدي لغاية امتى
معرفش... بس انا مش عايزة اسيب الشقة دي... انا مرتاحة فيها
تمام... خليكي
