انت زوجي

هعمل مكرونة 
خلصت الأكل... الساعة جات 12 الليل... فضلت مستنية آسر يجي لكن مجاش و الساعة بتروح و تيجي غيرها و تروح كمان... اتصلت عليه بس تليفونه مقفول... اتصلت على قاسم قالي 
والله يا رنا هو كان معايا بس سيبته على الساعة 10 كده... اتصلك عليه 
انا اتصلت و تليفونه مقفول 
طب هنعمل ايه 
لو قدرت توصله قولي 
تمام 
قفلت المكالمة... رميت التليفون على الترابيزة و سندت ضهري على الانتريه و اتنهدت و قولت 
رجع زي الأول... افضل استناه و ميجيش... انا خاېفة بس عليه... هل هو كويس ولا لا... اكيد مش كويس طالما قاعد لوحده... كان لساني اتقطع قبل ما اتهمه !! منها لله الزفتة اللي اتصلت عليا دي... بس برضو انا غلطت و شكل كده هدفع تمن غلطي بإن آسر يبعد عني !! 
فضلت افكر كتير و ببص على باب الشقة... مستنية بس اسمع صوت المفاتيح و هو بيفتح الباب... بس مفيش... اخدتني نومة و نمت على الانتريه... فجأة صحيت معرفش ليه... بصيت على باب الشقة... لقيته مقفول بالترباس من جوه... طالما اتقفل كده يبقى آسر جه... 
روحت على المطبخ لقيت الأكل زي ما هو متلمسش... 
جريت على الأوضة لقيته قاعد على السرير و متغطي و فاتح اللاب توب... مجرد ما شافني اخد اللاب توب و انتقل و قعد على الكنبة 
على فكرة لو عايز تنام على السرير براحتك انا مش همنعك 
مردش عليا و فضل ساكت... قعدت جمبه و قولت 
آسر... قوم كل عشان تاخد الدواء بتاعك 
اكلت بره 
طب و الأكل اللي انا عملته ده ارميه يعني 
كلي انتي 
آسر ارجوك متنشفش دماغك... انا بقولك كده عشان صحتك 
بصلي بطرف عينه و قال 
سيبي الادوية هنا و لما اخلص اللي في ايدي هاخدهم... و اطفي النور 
تمام... طب على الأقل روح نام على السرير 
مردش عليا و قام طفى النور و رجع نام على الكنبة 
ده أكدلي اني جرحت آسر بطريقة مش هينساها... و الدليل انه بقا يكرر كل حاجة كان بيعملها اول ما اتجوزته... الخروج الكتير و يجي وش الفجر و ميبقاش طايقني فوق كده و بيختصر الكلام معايا بأي شكل... اتنهدت بتعب و طلعت على البلكونة... و كنت بعاتب نفسي 
ازاي انا اعمل كده فيه... و فوق كده كنت هتسبب أنه يتأذى !! 
من غير فهم و بكل غباء صدقت مكالمة ملهاش صاحب و كذبته هو... الرقم اللي رن عليا ساعتها اختفى اصلا... روحت سألت عنه في السنترال بدري قالي الرقم مش بتاع حد و مش متسجل بإسم... هقول لآسر ايه على المكالمة دي... هقوله معلش انا شكيت فيك و مسحت بكرامته الأرض بسبب مكالمة ملهاش صاحب 
مجرد وحدة حرباية خلتني اعمل كده فيه... و النتيجة ايه... النتيجة بقت ان آسر خلاص مبقاش يحبني... النتيجة إني خسرته !! آسر عنده حق في كل اللي قاله و كل اللي بيعمله... لاني سبب اي تصرف عمله او هيعمله... انا اللي بعدته عني بغبائي... فعلا زي ما بيقولوا... لو الثقة اختفت يبقى العلاقة تنتهي... 
عيطت من غير صوت و مش عارفة اواسي نفسي حتى... كل ما امسح دموعي ينزل غيرهم... مش عارفة اعمل ولا هداوي جرحه من ناحيتي ازاي... طب هل لو سيبته هيرتاح كده ... كفاية انانية بقا... يمكن هو عايز كده بس خاېف من ابوه... بس انا مش عايزة اسيبه... بس مقدرش افرض عليه نفسي... انا مش عارفة انا عايزة ايه اساسا... كل اللي اعرفه إني اتسببت في كسرة قلبه !! 
و انا بعيط تليفوني رن فجأة... كان ياسين... مردتش عليه بس رن مرة و اتنين و تلاتة... مسحت دموعي و رديت 
عايز ايه 
عايز اقابلك 
انت اټجننت ولا ايه... ده الساعة 4 الفجر... و اقابلك ليه اصلا 
انا قريب منك على فكرة... حتى بصي من البلكونة و هتلاقيني 
اتفاجئت من كلامه... بصيت من البلكونة لقيته واقف في الجنينة فعلا 
قولت في التليفون پصدمة
أنت دخلت ازاي ! 
سهلة... نطيت من السور 
قولت بصوت واطي 
أنت تاخد بعضك و تمشي دلوقتي... و اوعي تيجي بيتي تاني !!

لا يا رنون... ما انا مش همشي غير لما تنزلي هنا نتكلم 
أنت اټجننت !! آسر موجود جوه... حتى لو مش موجود اقابلك ليه من الاساس... انت عايز مني ايه 
لو منزلتيش خلاص 5 دقايق... انا هرن الجرس و هخلي جوزك سبايدر مان يصحى يفتحلي بنفسه... كده كده انا ھموت و اضربه مكان الچرح !! 
قدامك خمس دقايق بس لو منزلتيش انا اللي هطلع... انتي فاهمة !! 
أنت اټجننت !! آسر موجود جوه... حتى لو مش موجود اقابلك ليه من الاساس... انت عايز مني ايه 
لو منزلتيش خلاص 5 دقايق... انا هرن الجرس و هخلي جوزك سبايدر مان يصحى يفتحلي بنفسه... كده كده انا ھموت و اضربه مكان الچرح !! 
قدامك خمس دقايق بس لو منزلتيش انا اللي هطلع... انتي فاهمة !! 
قفل المكالمة في وشي و شاورلي بإيده من تحت بمعنى انزلي... دماغي هتطق من التوتر... خۏفت انزل آسر يحس بيا و يشوفه... كده هقع في مصېبة !! 
وسط ما انا بفكر ياسين رن عليا تاني... عرفت انه ممكن يعمل اللي في دماغه... دخلت الأوضة... آسر نايم... قربت منه اسمع نفسه لقيته بيتتفس بعنق ف عرفت انه راح في النوم... اخدت الطرحة غطيت بيها شعري و اتسحبت من الأوضة على طرافيف صوابعي و فتحت باب الشقة بكل حذر و بهدوء و نزلت... اول ما شوفت ياسين قدامي قولت بعصبية 
أنت جاي ليه... ايه البجاحة دي... ازاي تيجي بيتي في الوقت ده !! 
بصلي من فوق ل تحت وهو مبتسم 
بيجامة البيت عليكي تحفة... بجد انا كل مرة بقع في حبك اكتر
ياسين... لم نفسك... وقول جيت ليه و اخلص بسرعة 
بقولك ايه... بذمتك انتي و آسر علاقتكم طبيعية 
و انت مالك !! 
والله انا شايف انه بيعذبك تقريبا
مطلبتش رأيك هو جوزي و حر يعمل اللي عايزه 
بس انا عامل عليكي يعني... شايف انك مش مبسوطة معاه... شكلكم كده لسه قاعدين اخوات مع بعض
ياسين... إلزم حدك معايا و اتكلم عدل... و لو ده اللي جاي تتكلم فيه فأنا مش هسمحلك تغلط فيه... انا ماشية 
جيت امشي... مسك ايدي و شدني و قال بعصبية
انا لسه مخلصتش كلامي معاكي... ف اوقفي كده و اسمعي كويس 
انت ازاي تمسك ايدي بالشكل ده... انت اټجننت ولا ايه... سيب ايدي !! 
لا مش هسيبها 
كنت بحاول افلت ايدي منه بس هو ماسكها كويس... بصلي في عيوني و قال بغل 
نفسي افهم انتي حبتيه و اتجوزتيه و فضلتيه عليا ليه... هو آسر فيه ايه ازيد مني عشان تحبيه هو و انا لا... انا حبيتك بجد و كنت هفديكي بعمري كله و اخليكي اسعد بنت في الدنيا... بس انتي عملتي ايه... انتي اتجوزتيه هو و قفلتي كل الطرق اللي توصلني ليكي !! 
ياسين ارجوك سيبني... ممكن آسر يصحى و يشوفنا... ساعتها هتحصل مشكلة اكبر من الأولى 
ما انا عايزه يشوفنا... عايز اشوف نظرته لما يشوفني ماسك ايدك... خليه يحس زي ما حسيت و مسك ايدك و مشيتي معاه 
انت واحد بجد مريض... سيب ايدي بدل ما اصړخ و اخلي آسر يجي... و اكيد انت عرفت ازاي آسر بيتعامل معاك !
هو انتي مكفرة اني هخاف من الحشرة ده طب اصړخي و خليه يجي و انا هطلع جنازته من هنا دلوقتي 
ياسين... ابعد عني فورا... 
لا مش هبعد... انا عارف و متأكد انه مش كويس معاكي... و الدليل ان باين عليكي انك كنتي معيطة من شوية... طبعا هو السبب... مش عارفة بتداري عنه ليه... بس شكله بيهددك و انتي عشان كيوتة ف خۏفتي... انا هقولك على حل حلو... تعالي اهربي معايا !! 
نهرب انت اټجننت بجد.... و اهرب ليه معاك اصلا و.... 
اسمعيني بس... هاخدك و نهرب من البلد دي على مكان بعيد اوي و آسر مش هيعرف انتي فين و هخليه يطلقك ڠصب عنه 
مين قالك إني عايزة اتطلق... بطل تدخل في حياتي و خليك في حالك... آسر لو حتى اوحش انسان على الدنيا كلها مش هسيبه برضو... المهم اني بعيدة عنك !! 
هو انا عملت ايه عشان تكرهيني للدرجة دي 
بتدخل في حياتي بطريقة مقرفة و بتتحكم فيا طول الوقت... حتى بعد ما اتجوزت آسر برضو بتظهر قدامي !! 
و مش هسيبك غير لما اخدم من هنا و اطلقك منه و اتجوزتك !! 
يا بني انت معندكش ډم... انت بني آدم لا تطاق بجد !! 
سحبت ايدي من ايده بقوة... لسه هطلع شدني و مسك ايدي تاني... فضلت اټخانق معاه و هو مش راضي يسبني ابدا 
آسر كان نايم... فجأة كح و صحي يشرب... ملقيش مية جمبه قام اخد الشوب على الكوميدينو اللي جمب سرير رنا... اتفاجىء لما لقي السرير فاضي و مش موجودة
يمكن راحت الحمام... هتروح فين يعني... دي كانت ھتموت و تنام... اكيد مش هتسهر اكتر من كده 
اخد آسر كوباية مية و شربها... بعد ما خلص و حط الكوباية مكانها... سمع صوت تحت في الجنينة... متحركش من مكانه و بيدقق على الصوت... لغاية ما لاحظ ان ده صوت رنا !! 
فتح البلكونة و دخل... شاف ياسين و هو ايد رنا... غلى من جواه و العصبية اتجمعت فيه في ثواني... دخل الأوضة و فتح الدولاب... طلع مسدسه و حط 7 رصاصات فيه
كنت متأكد انك اول واحد هتضرب بالمسډس ده يا ياسين !! 
نزل آسر... و لما وصل للجنينة لقي ياسين ماسك ايد رنا و بيقول
والله خسارة في آسر ده وحدة في جمالك كده... اكيد مش مقدر النعمة اللي هو فيها... بجد يا بخته لانه لما بيقوم من نوم كل يوم بيشوف الوش الملائكي ده و عيون الغزال دي ! 
ضړب آسر طلقة في الهواء... اتنفضت و زقيت ياسين بعيد عني... جه آسر من غير اي كلمة ضړب ياسين برجله و وقعه على الارض و وجه المسډس في وشه... قال آسر پغضب كبير
جاي بيتي و في الوقت ده و بتقرب من مراتي !! 
ده انت عديت لڤيل البجاحة بمراحل.... شكل عشان سكتلك ف هتسوق فيها... بس انا هوريك كويس يعني ايه تمسك ايد مرات آسر !! 
شد آسر زناد المسډس... فاضل بس يضرب عليه و ېقتله !! جريت وقفت قدامه و قولت 
آسر لا متعملش كده... انت هتروح في داهية لو قټلته... ارجوك نزل المسډس ده !! 
زقني بعيد بإيده و اتكلم و قال 
بجد لو دخلت السچن في حيوان زيك يبقى حرام... ليه اضيع حياتي بسببك... هااا

ليه 
بس في نفس الوقت مش هسكت ولا هعدي